NMK Vikedal inviterer til sesongopning ved det flotte anlegget i Vikedalsdalen denne helga.
Arkivfoto: Irene Mæland Haraldsen
Klart for nye motorbrøl
Ny sesong er straks i gang på Vikedal Motorbane og det heile brakar laus allereie til helga. Det blir kamp om topplasseringane, både innan cross og rally.
Komande søndag er det kart for sesongopning på Vikedal Motorbane og den opnar med andre runde i Vestlandsmesterskapet for både bilcross og rallycross. Det er i tillegg over 60 deltakarar som skal vera med, og dei lokale crosskart-førarane vil køyra eit gjesteløp dagen etter deira første NM-runde i Skien.
Landsfinale i august
Første runde i Vestlandsmesterskapet for bilcross gjekk allereie av stabelen 7. april i Bergen med brukbare resultat for NMK Vikedal-førarane under ganske vanskelege forhold. Best var Oliver Andre Matre med fjerdeplass i senior, mens Ailin Vik og Sølve Østbø begge køyrte inn til femteplass. Alle desse kvalifiserte seg til dei respektive landsfinalane som går i august, i Skien for junior og i Verdal for senior. I juniorklassen debuterte Bjørn Cato Aarekol med ein 11. plass. Dei andre finalistane i seniorklassen var Sigbjørn Østbø på 9. plass, og Eirik Sandvik på 11.
