Tiri (framme) og dottera, Victoria Schei, testa ut både ny robåt og restaurant laurdag kveld.
Foto: Anita Haugland
Kjem sjøvegen for å oppleve gourmetmat
Tiri og Victoria Schei synest det er heilt nydeleg at den nye restauranten ved Skjoldafjorden berre er ein rotur unna hytta.
Lyden av årene som glir gjennom vatnet, etterkvart som dei nærmar seg bryggekanten. Når team Schei kjem roande er det blikkstille vatn.
— Me har kjøpt oss ny robåt. Det er første gong me testar han, seier Tiri Schei, som sit fremst og tek ansvar for fortøyinga.
Til dagleg bur ho i Bergen, men ferierer for tida på hytta i Skjold. Denne kvelden skal ho og dottera, Victoria Schei, teste ut den nye pop up-restauranten i Langelandsvika i regi av Anne og Terje Kleiven. Heile fem rettar med lokalmat er i vente.
