Jobben snart gjort for gul stripe

Utviding av vegen og forsterking av kantar har fått fylkesmidlar sidan 2016, og maskiner har tatt eit jafs i slengen over fleire år. For den som ikkje har køyrt mellom Sandeid, Ilsvåg og Knapphus på ei stund, blir det ei positiv oppleving å køyre strekninga med litt færre uoversiktlege svingar, men først og fremst plass til to bilar.

Ilsneset gjenstår

Byggjeleiar Torbjørn Jektnes i drift og vedlikehald hos vegeigar Rogaland fylkeskommune opplyser at målet er å bli ferdig i år. Litt seinare vil den gule malinga kome på plass på den 17,5 kilometer lange vegen frå E134 i Vats og til Sandeid.