Etter innspel frå Etne-ordfører Mette Heidi Bergsvåg Ekrheim (Sp) vil Statens vegvesen vurdere å sette opp veglys på strekninga mellom Åkrafjordtunnelen og Markhustunnelen på E134 forbi Teigland i Åkrafjorden.
Farleg for skulebarn
— Her er eit sterkt trafikkert kryss med blant anna skulebarn som skal av og på skyss. Andelen tungtransport på denne strekninga er 20 prosent av årsdøgntrafikken, skriv ho i ein e-post til Statens vegvesen. Ho presiserer at det er snakk om ei kort strekke med ein vegstandard som ved bygging i dag hadde generert lys.
