Blant favirittane i NM for U17. Bak frå venstre: Ida Sofie Staknes, Astrid Skogen, Tiril Våg Skjold, Lina Aarhus, Bertine Skipevåg Tveit, Norma Kristine Imsland, Ingeborg Klæboe Moland.Framme frå venstre: Emma Hustveit, Petra Blikra, Amalie Aarekol, Andrea Leifsen.
Foto: Irene Mæland Haraldsen
Intens trening før nytt NM
For vel to veker sidan sikra dei seg ein 4.plass i U19-NM i volleyball. Nå er dei rekna som ein av favorittane til U17-NM i slutten av april. Jentene i volleyballaget til Vindafjord IL markerer seg heilt i toppen.
Det er måndag kveld og tid for ei ny treningsøkt i Vikedal idrettshall for volleyballjentene i Vindafjord IL. Dei tolv jentene på laget samlast til tre treningsøkter på rundt to timar kvar veke, i tillegg kjem kampar i helgene. Då går turen oftast til Stavanger og Sandnes. Det intense programmet betyr hektiske dagar for dei unge spelarane.
— Det er travelt, men kjekt, seier Norma Kristine Imsland og dei andre lag-venninnene.
Dei fleste har spelt volleyball i fleire år og trivst svært godt saman.
