Masseproduksjonen av vindturbinar på Jelsa i Rogaland kan leggje grunnlag for eit nytt industrieventyr og 7.000 nye arbeidsplassar, ifølgje styreleiaren for prosjektet.
Foto: Windworks Jelsa
Industrieventyr på gang i Suldal
NPK: Masseproduksjonen av vindturbinar på Jelsa i Rogaland kan leggje grunnlag for eit nytt industrieventyr og 7.000 nye arbeidsplassar, ifølgje styreleiaren for prosjektet.
— Dette er ikkje berre eit løft for Jelsa og Suldal, men for heile Rogaland, seier Geir Ims, styreleiar i WindWorks Jelsa (WWJ) til Stavanger Aftenblad.
Nyleg spelte WWJ inn eit enormt utbyggings- og sysselsetjingsløft til kommuneplanen til Suldal kommune. I rapporten antydar ein at anlegget ved full utbygging, kan bli arbeidsplass for 7.600 tilsette, ifølgje Aftenbladet.
— På sikt ønskjer vi at arbeidsplassen skal gjere det meir attraktivt å busetje seg i Ryfylke. Vi har tru på at dette kan leggje grunnlaget for eit nytt industrieventyr for Rogaland og Noreg, seier Ims.
I Ryfylke (Hjelmeland, Kvitsøy, Sauda, Strand, Suldal) bur det i dag omtrent 24.500 personar. Suldal kommune åleine har omtrent 3.800 innbyggjarar og Jelsa 250.
