I fire av dei fem prisområda i Noreg vil hushald med eit gjennomsnittleg straumforbruk få ei straumrekning for september på mellom 800 og 1000 kroner. Det er ein auke frå rundt 650–750 kroner for august.
Foto: Marius Helge Larsen / NTB / NPK
Haust og kaldare vêr fører til høgare straumrekningar
Frå august til september auka straumforbruket til eit gjennomsnittshushald med mellom 10 og 24 prosent. Og no blir straumrekningane høgare igjen.
Med hausten sin innkomst i september aukar straumforbruket fordi folk igjen har byrja å skru på varmen heime. Dermed vil hushald over heile landet få høgare straumrekningar, men dei vil framleis vere vesentleg lågare enn i ekstremåra 2021 og 2022, ifølgje straumprisindeksen frå Fornybar Norge.
I fire av dei fem prisområda i Noreg får hushald med eit gjennomsnittleg straumforbruk ei straumrekning for september på mellom 800 og 1000 kroner. Det er ein auke frå rundt 650–750 kroner for august.
For hushald i prisområdet NO2 – Sørvest-Noreg, som strekkjer seg frå Horten i aust og til Hardangerfjorden i nord, blir septemberrekninga rundt 1200 kroner. Det er rundt 70 kroner meir enn rekninga for august.
