Einingsleiar Thomas Vestbø for areal og forvaltning i Vindafjord kommune har mange plansaker å jobbe med, og ønskjer å gjere det lett for folk å få oversikt og svar på spørmåla dei har på kommunen si nettside.
ARKIV/SVEIN-ERIK LARSEN
Gjer det lettare å følgje med på vindkraft og andre konfliktsaker
Allereie
når ein kjem inn på kommunen si nettside, ser ein den nye inngangsporten til
vindkraftsaker, der ein kan trykke på ordet «Vindkraft». Her kan ein lese om
saksbehandlinga av Eviny sitt planinitiativ for Måkafjellet i Skjold og Hydro
sitt initiativ for Bukkanibba i Ølensvåg, i tillegg til generell informasjon om
saksbehandling av vindkraftanlegg på land.
På
framsida av nettsida til Vindafjord kommune kan ein også bla lenger ned og
klikke på «Planar og styringsdokument». Der kan ein trykke på «Framdrift og
status for større arealplanar, vindkraftanlegg og andre saker etter
energilova». Sida er framleis under arbeid, men har allereie omfattande
informasjon om korleis kommunen behandlar dei ulike sakene, og ei kort
forklaring av dei ulike plandokumenta.
