— Nå er eg blitt så gamal at det er på tide at andre tek over, seier Sigmund Tveit og ynskjer velkomen til bygdemølla han har hatt ansvar for i fleire år.
Saman med Børge Sandsgård, Arild Karlsen og Helge Toadalen fullførte 92-åringen restaureringsarbeidet som vart avslutta i 2009. Etter den tid har Tveit og Sandsgård tatt på seg oppgåva med å guida besøkjande som har tatt turen innom mølla for å sjå korleis arbeidet føregjekk den gong dei lokale bøndene fekk kornet sitt male på Eikehaugen bygdemølle. Onsdag kveld avslutta dei mange års arbeid med omvising for medlemmer av sogelaget.
— Folk har hatt høve til å besøkja mølla etter avtale og fått omvising av enten meg eller Børge. Men nå skal nye krefter ta over, seier han.
