Fotballfeber på biblioteket

— Er det nokon her som likar fotball. Og har nokon høyrt om Erling Braut Haaland, spør forfattar Ørjan Zazzera Johansen (49) og kikkar utover salen der ein fotballglade ungar har tatt plass for å høyra historia om den verdskjente fotballspelaren frå Bryne.

Eit samstemt og rungande ja frå den unge forsamlinga levnar ingen tvil. Her er alle som ein interessert i fotball, og ikkje minst synes dei fotballspelaren frå Bryne er stor stas.

Johansen si bok om den berømte fotballhelten kom ut for eitt år sidan og har sidan den gong vore ettertrakta lesestoff for unge fotballgutar og jenter. I dag har han tatt boka med seg til biblioteket i Etne for å lesa og fortelja om livet og utviklinga til sambygdingen Haaland.