17.mai-talar på Rygg avslørte mykje historie frå Etne-bygda, og fann fram til Lars Grønstad (t.v.) sine forfedre som var på Eidsvoll i 1814.
Foto: Anne-Britt GrindheimFOTO: Anne-Britt Grindheim
Fortalte ukjent historie
Den profilerte fagforeiningsmannen og Raud-politikaren Terje Kollbotn var 17.mai-talar på Rygg i Etne kommune. Han har grove i den lokale historia om den norske grunnlova og eidsvollsmennene i 1819. Her er ei redigert utgåve av talen.
På denne vårdagen for 208 år sidan vart danskeveldet, eineveldet og adelsveldet erstatta av eit meir moderne og demokratisk styresett. Eidsvollsmennene – for det var berre menn – vedtok 17. mai 1814 den nye norske Grunnlova. Det er difor vi feirar i dag!
Denne feiringa av fridom, demokrati og sjølvstende står i sterk kontrast til krigen i Ukraina, som vi får inn i stuene og liva våre kvar einaste dag. I mange 17. mai- tog i dag blir det gule og blå ukrainske flagget bore saman med det norske. Dette er eit fint symbol på solidaritet mellom to land og to folk som ynskjer å vere sjølvstendige og skape si framtid utan innblanding frå andre makter. Tittelen på den ukrainske nasjonalsongen fortel om eit folk som framleis har håp: Enno er ikkje Ukraina død». La oss håpe at dei snart kan feire sin grunnlovsdag 27. juni i eit fritt land!
I diktet På flukt» skildrar diktaren Ingvar Moe korleis vi stadig blir utfordra av ufred og undertrykking i verda:
