Flyttar til skatteparadiset» i nord

Det er Dagens Næringsliv som i tysdagens avis fortel at 15 eigarar av 5,4 milliardar kroner nå har flytta til den vesle havkommunen i Nordland. Blant desse er vågsbuen Atle Berge, mest kjent som gründer av Ølen Betong og sitt arbeid i dotterselskapet i russiske Murmansk.

Med 68-åringen si flytting forsvinn også skatteinntekter til hans heimkommune Vindafjord. Ifølgje DN var hadde Berge i 2019 ei likningsformue på 152 millionar kroner, men skal etter finanstidsskriftet Kapital sine tal ha ei reell formue på 1,3 milliardar.

Berge meldte flytting 1. januar i 2021. Det gir han ein årleg gevinst på vel 760.000 kroner rekna ut frå eit nivå på formuen som i 2019.

— Det er positivt å ha ein plass i landet som skal ha gunstigare skatt som me kan nytta oss av, seier Berge til DN.

Han fortel at skatten ikkje er einaste årsaka til flyttinga nordover, og viser til stor aktivitet i Murmansk og at det er bilavstand til anlegget Ølen Betong har bygd opp nordvest i Russland, samt at konsernet har fleire andre bedrifter i Nord-Noreg som han langt lettare kan nå.

Det var i 2019 det blei kjent at vesle Bø i Vesterålen, gjerne omtalt som skatteparadis» senka formueskatten som landets første kommune for å lokka til seg rike tilflyttarar.