Skakkesenteret byr på konsertar, julefilmar og julekos i tida før jul
Arkivfoto: Arne Frøkedal
Fekk pengar frå Kulturdepartementet
Kulturhuset Skakke i Etne er blant mange institusjonar som har fått støtte i form av gåveforsterking frå Kulturdepartementet.
Kultur- og likestillingsminister Abid Raja (V) sitt departement betalar i desse dagar ut 135 millionar kroner til kulturinstitusjonar over heile landet. Pengane kjem på toppen av 15 millionar gjennom ordninga som blei utbetalt i fjor sommar.
Søkjarar i Vestland fylke har i den siste runden fått ca.17,8 millionar kroner i gåveforsterking frå Kulturdepartementet. Skakke SA i Etne er einaste lokale mottakarar. Tilskotet er på 162.000 kroner.
I Vindafjord er det ingen på lista over mottakarar.
