No har eigaren Jon Tveit fått midlar frå Kulturminnefondet for sjette (!) gong:
• 2021: 150.000 kroner til Gaffelbitfabrikken.
• 2022: 300.000 kroner i støtte til bøtker-naustet og 300 000 kroner til steinnaustet i 2022.
• 2023: 200.000 til tak og fasade på eldhuset.
• 2024: 200.000 kroner til arbeid på fjøset.
• 2024: 400.000 til tilbakeføring av tak.
– Området er svært verdifullt og er ein viktig del av eit heilskapleg industrisamfunn som hadde nesten 100 tilsette i si storheitstid, seier Kulturminnefondet sitt styreleiar Hanne Kristin Jakhelln.
Haraldseidvågen var tidlegare endestasjon for fjordbåtruta frå Bergen, og her var både god kai og butikk.
Frå gamal sildestove til yoga-sal
Kulturminnet er i aktiv bruk, og huser mellom anna kafé og konsertar. Krambua i fabrikken er bevart slik som den var i den tida det var drift og blir no sporadisk brukt til Kafé og sal om sommaren. Det er vidare eit forsamlingslokale i kjellaren, verkstad som blir brukt ved vedlikehald og diverse aktivitetar førekommer i den gamle sildestova.
– Naustet i kjellaren er egna til å ha konsertar og andre samlingar, butikken kan brukast til Kafé og lettare servering, sildestova blir brukt til Yoga-sal og møterom, skriv eigar Jone Tveit søknaden til Kulturminnefondet.
Må skifte taket
Eternitten som blei lagt i starten på 1970-talet må skiftast ut fordi det er antyding til lekkasje og skadar på taket. Det er plan om å tilbakeføre taket med sutak og bølgeblikk og takrenner i opphavleg stil.
– Det er positivt at søkjar ønskjer å bevare bygningen, og dens innhaldsrike historie, seier Hanne Kristin Jakhelln, styreleiar i Kulturminnefondet i pressemeldinga.
