Får pirra forskarinteressa

First LEGO League (FLL) har vore tema på fleire av timeplanane dei siste vekene for vikedalselevane. Der har ungdomane fått testa ut teknologi i form av programmering og bygging av datastyrte legorobotar, og gjennomført oppgåver knytt til dette. I tillegg har dei også bygd ein stor modell av Kløyvahumpen i Vikedal. Denne er laga av tapetlim, avispapir, hønsenetting og maling.

— Me fekk i oppgåve å gjera ein inaktiv stad til ein aktiv stad, og då laga me ein aktivitetspark på Kløyvahumpen, fortel Camilla Reimers.

For dei som ikkje er like lokalkjende som vikedalsbuen, er altså Kløyvahumpen ein hump» ute i naturen, som per i dag ikkje er ein stad som tiltrekkjer seg særleg mange. Men som ifølgje sjuandeklassingane kunne blitt ein attraktiv stad, om det berre hadde kome på plass litt aktivitetsutstyr.