Erik var i gang før butikkane opna

Det er Tor Erik Gravelseter som har oppdraget med å rydda parkeringsplassane utanfor fleire butikkar i Etne sentrum. Denne snørike morgonen har han med seg far sin, Erik Gravelseter, i arbeidet.

— Han ringde til meg før klokka seks i dag og spurde om eg ville vera med å hjelpa til, fortel Erik, og fortel om ein travel morgon der det meste av snøen kom utpå morgonkvisten.

Då han stod opp i tretida, fanst det ikkje snø. Men utover morgonen endra det seg raskt.