Eintveit gir pusterom

Gjennom åra blei både vatn og straum lagt inn til det avsidesliggande bruket, og for omtrent sju år sidan blei også varmt vatn og dusj eit faktum på Eintveit. Så i april i år, etter 46 års pause, fekk gardsbruket fastbuande innbyggjarar igjen. Barnebarnet til Ytrenes som reiste frå garden på slutten av 60-talet, Åslaug Ytrenes (33) med ektemannen Dan Roger Ytrenes (35) og barna Guro (5) og Gaute (2), vendte tilbake til den idylliske sommar-
ferieplassen som ho hadde stor gleda av då ho var lita.
No er ho her som fastbuande, i alle fall for ei stund.
— Me var i full jobb begge to, og etter kvart blei det rett og slett for travelt. Me vil vera her så lenge det er mogleg for å nyta det avslappa livet her, seier Åslaug.