Draumedag for den golfinteresserte fotballspelaren
Marius frå Etne fekk moglegheita til å slå ut på opningsholet under helgas golfturnering Wright Invitational i Kragerø.
Den 28. juni møtte store menger folk opp i Kragerø for å spele golf på turneringa Wright Invitational. Blant anna golfproff Viktor Hovland. Turneringa er ikkje berre eit stort, sosialt event, men samlar også inn pengar til organdonasjon. Både komikarar og idrettsutøvarar tok del. Ein annan som dukka opp på turneringa, var 14 år gamle Marius Tjelmeland frå Etne. Dette blei ei heilt spesiell oppleving for han.
Hovudfokuset til Marius ligg på fotballen, men han tar seg også tid til å spele golf når sola skin. Han fortel at det er golfbanen på Kolnes i Haugesund han nyttar mest. Golf har vore ein del av livet hans i 2 år.
— Det hadde vore kjekt å bli proff i ein av sportane, seier han.
