— Det gler meg når folk lukkast

— Eg er typen som liker å læra, er betre skriftleg enn munnleg, og hadde tidleg klare tankar om at eg skulle ta høgare utdanning, fortel etnebuen.

Ho var innom tanken på å studera alt frå idéhistorie, økonomi, og fysikk, til bioteknologi,- som ho enda opp med.

I juni starta Aakra i FHI der det så langt stort sett har blitt heimekontor. Etnebuen meiner satsinga som ho er tilsett for å leia, er eit godt døme på at FHI også ser framover til tida etter koronapandemien. I ikkje-pandemiske tider tar Aakra, på det jamne, fire-fem turar i året heim til Etne.