Guri Ravatn (SV) under kommunestyremøtet der Vindafjord-budsjettet for 2025 blei vedtatt.
FOTO: SVEIN-ERIK LARSEN
Politikarpraten
— Det er altfor lite reell debatt i kommunestyret. Det meste er bestemt på førehand.
Grannar har bede politiske gruppeleiarane i kommunestyrene i Etne og Vindafjord både om sjå tilbake på 2024, og inn i glaskula for 2025. I dag er det Guri Ravatn frå Vindafjord SV sin tur.
Kva lokalpolitiske sak blir den viktigaste for deg i 2025?
— Naturvern, naturvern, naturvern!
Kva var den viktigaste saka for deg i 2024?
— Naturvern, naturvern og ni levande bygder!
Kven av dine politiske motstandarar likar du best å debattere med, og kvifor?
— Det er altfor lite reell debatt i kommunestyret. Det meste er bestemt på førehand. Eg har sans for Geir Berge, som tenkjer utforbi boksen» og seier kva han meiner!
Kven av kommunestyrerepresentantane har du lyst til å framsnakka/framheva?
— Eg tar to: Øyvind Valen, som bidreg med kunnskap og tydelegheit – veldig bra! Og ikkje minst Anna Klette Steinsland, som står på for reelle verdiar, utvikling av lokalsamfunn og gode oppvekstkår. Fantastisk inspirerande!
Kven vinn stortingsvalet til hausten, og kvifor?
— Det vil eg helst ikkje tenkja på!
