Kenneth Karlsen er gruppeleiar i Etne Frp.
Arkivfoto: Grethe Hopland Ravn
Politikarpraten
— Den viktigaste saka i 2025 blir å finna varige og gode løysingar på dei utfordringane me har med Etne brann og redning
Grannar har bede politiske gruppeleiarane i kommunestyrene i Etne og Vindafjord både om sjå tilbake på 2024, og inn i glaskula for 2025. I dag er det Kenneth Karlsen frå Etne Frp sin tur.
— Kva lokalpolitisk sak blir den viktigaste for deg i 2025?— Den viktigaste saka for meg i 2025 blir å finna varige og gode løysingar på dei utfordringane me har med Etne brann og redning. Dette er ei sak som påverkar mannskapen og tryggleiken til innbyggjarane våre direkte, og det er heilt avgjerande at me får på plass eit solid fundament for framtida.
— Kva var den viktigaste saka for deg i 2024?
— Mens eigedomsskatten gjekk ned kvart år då me var med å styrte, har den i det minste fått stå i ro dei siste åra. Dette er eit lite steg i riktig retning, men det er framleis mykje å gjera for å letta byrda for innbyggjarane våre.
