Debatten rundt femdagarsveka for dei minste i skulen går vidare til kommunestyret. F.v: Ståle Tungesvik (Sp), ordførar Mette Heidi Bergsvåg Ekrheim, kommunalskef Mona R. Sævik, og Tor Kleppa (Ap).Foto: Grethe Hopland RavnBilde 1 av 2
Reidar Berge og Liv Kaldheim representerer begge Senterpartiet i driftsutvalet, og vil venta med å vedta femdagarsveka i skulen til ein betre plan for SFO ligg føre.
Det er ei vanskeleg sak som ligg på bordet til politikarane, når dei skal avgjera om skuleveka til dei aller yngste i Etne kommune skal vera på fire eller fem dagar, slik som i dei fleste kommunar. Kommunalsjef for oppvekst og kultur, Mona Rasmussen Sævik opplyser at alle foreldre med barn i barnehage eller i barnetrinnet på skulen har fått svara på eit spørjeskjema rundt femdagarskulen, og svara viser at det er halvt om halvt, for og i mot.
— Det er likevel ingen som har kontakta meg for å understreka kor viktig firedagarskulen er for dei. Det er derimot fleire som har kontakta meg for å formidla kor viktig det er å få på plass femdagarskulen, seier Sævik.
