Debuterer på heimebane

— Det blir veldig spennande. Eg gler meg mykje, seier André Hustoft Nesheim (28).

Konserten har fått tittelen Nesten Jul». Hustoft Nesheim har med seg Øystein Folkedal frå Karmøy på piano. Det blir mest julemusikk, men også nokre songar skjoldabuen har skrive sjølv på konserten.

Det er gått over halvanna år sidan Hustoft Nesheim nådde ustslagsrundane av The Voice på TV2. Han omtalar tida sidan som ein blanding av kjekt og krevjande. I starten var det ein del blest, før det var tid for å gjere jobben.

— Eg har spelt nokre fine konsertar og jobbar med eit album til våren, seier skjoldabuen.

I desember i fjor gav han ut sin første singel Hold On». Hustoft Nesheim har jobba i kulturbransjen sidan 2018 og driv i dag frilansarbeid med konsertar, lys og fotografering. Han fortel om ein kvardag med nye ting kvar veke. Nå ventar konsert i Skjold kyrkje, som har 400 sitteplassar. Nesten to veker før er 100 billettar selt, noko Hustoft Nesheim er veldig fornøgd med.

Han trur at han skal feire jul i Skjold. Med kjæraste frå Haugesund er han open til å flytte tilbake til Haugalandet på sikt.