Comeback for festival
For første gong sidan 2019 blir Sommarfestivalen i Vikedal arrangert i juli. Styreleiar Ina Helmers i Vikedal Bygdahus SA gler seg til å invitere folk til båthamna og bygdahuset. Festivalen er eit av det nye styret sine tiltak for å gi bygdahuset eit løft i sitt 25 års jubileum.
— Me har lyst til å lage litt liv for å gjere bygdehuset meir attraktivt, fortel styreleiar Ina Helmers i Vikedal Bygdahus SA, som i tillegg til bygdahuset driftar Vikedal Idrettshall.
Ideen kom på det første styremøtet til ho og resten av det nye styret for cirka fire veker sidan. Dei blei då nøydde til å snu seg rundt med ein gong for å rekke årets sommar. Festivalen blir arrangert 6. juli.
Helmers har med seg Asle Øverland som kasserar, Nils Erik Eide som skrivar og Johannes Holten Leifsen og Erlend Nesheim som styremedlemmer i samvirkeføretaket.
