Favorittplass til kaffikos: Tove Ohm får ofte kamp om denne benken i stova/kjøkenet. Den er laga av ektemannen Kjetil, som mange andre ting i tre i nybygget i Vats.
Foto: Arne Frøkedal
Bygde praktisk og stilreint
For Tove (44) og Kjetil Ohm (46) er dette nesten så perfekt som det går av å koma. Ekteparet i Vats har gjort sine bevisste val i fargar, løysingar og byggematerial – sterkt prega av at han er kjøkenprodusent og handy mann.
Vårsola er tidleg i Tinghaugvegen 18 i Nedre Vats. To stolar og eit lite bord ved den fint pynta inngangen der morgonsola er grytidleg, indikerer at her har paret tenkt på det meste. Den karakteristiske gangen innafor hovuddøra, der den eine veggen er i eikespiler med innfelte ledlys, viser stor kreativitet og gir eit solid førsteinntrykk på gjesten som kjem inn hovuddøra.
— Det er Kjetil sitt verk, både dette og mykje anna av interiøret i huset. Mitt bidrag er først og fremst fargevalet, med litt profesjonell hjelp. Jordfargar i grønt og brunt går igjen i heile huset, både på vegger og i tak. Me ville ikkje ha kvite veggar, og har beviss unngått denne fargen, med unnatak av dører og karmar på vindauge og dører. Eg er veldig fornøgd med fargar i naturell, seier Tove og klappar det vesle kjæledeggen Simba, ein tibetansk spaniel som er ivrig med å helsa gjester velkomne.
Finurlege og fine løysingar
