Bota for å snakke i mobiltelefon medan ein køyrer bil vil auke frå 10.200 kroner til 10.450 kroner. Same bot vil gjelde for brot på vikeplikta eller å køyre på raudt lys.
NAF er kritisk til den stadig aukande bøtesatsen og etterlyser dokumentasjon på at høgare bøter faktisk fører til færre lovbrot i trafikken og færre ulykker.
– Det er vanskeleg å tru at endå ein auke får ned talet på lovbrot nemneverdig. Då blir auken berre ein måte å få inn pengar i statskassa på, seier pressesjef i NAF, Ingunn Handagard.
