Blir ny økonomisjef

Filippo Ballarin (31) blir ny økonomisjef i Etne kommune og overtar etter Vegard Bang som er tilsett i tilsvarande jobb i Vindafjord. Ballarin har italiensk opphav, men har sidan 2012 år vore busett i Sauda. Der har han jobba med økonomi i kommunen, dei fem siste åra som som økonomisk rådgjevar. 31-åringen er gift med ei saudajente og paret har to gutar på seks og to år. Han startar i den nye jobben ved inngangen til april.

Ballarin er ein aktiv mann på fritida. Han er leiar i Sauda Turnforening og har fleire år bak seg som fotballspelar på Sauda sitt A-lag. Også politikk har engsjert dei siste åra, noko som i haust resulterte i varaplass i kommunestyret for Høgre. Han fortel til Grannar at det blir pendling til Etne den første tida, men at planen er at familien flyttar nærare jobben til sommaren.