Comeback på den lokale arenaen. Etter lang tid i Stavanger har Kurt Inge Nybru, kjent som mangeårig rootssjef, vendt attende til heimelege strøk og blir eigedomsmeklar med kontor i Sauda.Pressefoto
Blir eigedomsmeklar i heimkommunen
Kurt Inge Nybru (34) får ansvaret for sin heimkommune når Aktiv Eiendomsmegling opnar kontor i Sauda. Den tidlegare rootssjefen har gjort saudabu av seg etter fleire år i Stavanger.
Det nye kontoret blir ei avdeling av Aktiv Ryfylke på Jørpeland. I tillegg til kommunane Suldal og Sauda, vil Nybru jobba mot bustadmarknaden i sin tidlegare heimkommune Vindafjord. 34-åringen har tolv års erfaring som eigedomsmeklar i Stavanger.
Kurt Inge er oppvaksen i Vikedal og var i mange år sentral i rootsfestivalen. Etter femten år i Stavanger, der han var eigedomsmeklar dei fleste åra, flytta han med familien til Sauda. Nå gjer han comeback som meklar etter eit lite avbrekk som regnskapskonsulent i Tveit Regnskap avd. Ryfylke.
— Etter at eg kom til Sauda såg eg at det var eit behov for ein kortreist eigedomsmeklar i distriktet, og derfor opnar eg kontor her. Frå saudakontoret kan eg yta god service mot kundar i Sauda og nabokommunane, seier Nybru i ei pressemelding.
