Konsernsjef Jannicke Hilland i BKK er godt tilfreds med resultat trass eit svært krevjande fjorår.Pressefoto
BKK gir 800 millionar i utbytte
Etne Elektrisitetslag AS får ein god slump pengar for sine aksjar i BKK.
Det store kraftselskapet på Vestlandet har lagt fram sitt rekneskap for 2020. Det viser eit årsresultat for 1.543 millionar kroner. Styret føreslår at Statkraft og eigarkommunane får heile 800 millionar kroner i utbytte.
For Etne Elektrisitetslag betyr dette eit utbytte på vel 2,8 millionar kroner som kjem gode tiltak i bygda til gode.
Koronapandemien og rekordlåg kraftpris pregar fjorårstala til BKK. Omsetninga i 2020 var på 4.565 millionar kroner mot 5.450 året før. Trass det krevjande året, har det blitt jobba godt med mange prosjekt og satsingar som bidrar til at det store kraftselskapet er godt rusta for framtida. Årsresultatet på 1,543 milliardar kroner, er 722 millionar dårlegare enn i 2019. Sal av aksjar i Fjordkraft for 593 millionar 1. juli i fjor, bidrog betydeleg til resultatet.
