Bandtvang frå 1. april: Strengare reglar i Etne enn i Vindafjord

Frå og med tysdag 1. april er det bandtvang for alle hundar i både Etne og Vindafjord kommunar. Regelen gjeld kvar vår og sommar, for å verna bufe og vilt mot jaging og skade – men det er forskjellar på kor lenge hundeeigarane må halda dyra sine i band.

I Vindafjord følgjer kommunen den nasjonale hundelova, som slår fast at det er bandtvang frå og med 1. april til og med 20. august. I Etne varer bandtvangen vesentleg lengre: heilt fram til og med 1. oktober. Her har kommunestyret vedtatt ei eiga lokal forskrift for å styrka omsynet til beitedyr og vilt.

Føremålet med bandtvangen