Bernt Jæger, dagleg leiar i Næringsforeningen Haugalandet meiner uvissa rundt kornoa-pandemien framleis er så stor at dei har konkludert med å avlysa neste års Haugalandskonferanse.
Foto: Grethe Nygaard/Næringsforeningen Haugalandet
Avlyser Haugalandskonferansen
Næringsforeningen Haugalandet avlyser sitt største arrangement. Årsaka er frykt for smitte.
Haugalandskonferansen 2020 i Haugesund blei arrangert like før korona-pandemien slo over landet. Fleire av i dei som deltok på den store konferansen i vår, blei smitta og endå fleire hamna i karantene, blant anna ei fleire deltakarar frå Etne og Vindafjord.
— Tida me er inne i er framleis prega av endringar, uvisse og smitteverntiltak. Me i næringsforeininga har sett på ulike alternativ for gjennomføringa av Haugalandskonferansen 2021, men har – etter nøye vurderingar – og med tungt hjarte, beslutta å avlysa konferansen, som skulle gått av stabelen 12. mars neste år, seier dagleg leiar Bern Jæger i ei melding på næringsforeininga si eiga nettside.
Haugalandskonferansen er ei av næringsforeininga si aller meste kjente merkevarer, og arrangøren har lagt inn mykje tid og ressursar på å forma og å skapa dagen – og ikkje minst kvelden til det den er blitt. Konferansen samlar 500-600 deltakarar, og maksimalt tillate antal for tida er 200 personar.
