Det siste døgnet er det registrert 998 koronasmitta i Norge. Dei siste sju dagane er det i snitt registrert 1.367 koronasmitta per dag.
Foto: Håkon Mosvold Larsen / NTB / NPK
998 nye koronasmitta registrert siste døgn
NPK-NTB: Det siste døgnet er det registrert 998 koronasmitta i Noreg. Det er 371 fleire enn same dag førre veke.
Dei siste sju dagane er det i snitt registrert 1.367 koronasmitta per dag.
Tilsvarande snitt for sju dagar sidan låg på 966, så trenden er stigande.
Fredag var 173 koronapasientar innlagde på sjukehus. Det var to fleire enn dagen før.
42 av pasientane ligg på intensivavdeling, og blant dei er 18 på respirator. Det er to fleire på intensiv og éin færre på respirator samanlikna med dagen før, ifølgje oversikta frå Helsedirektoratet.
Ved midnatt natt til måndag var det utført 8,1 million koronatestar her i landet sidan februar i fjor.
I alt har 216.855 personar testa positivt.
Til no har 4.212.219 personar fått første dose av koronavaksinen, og 3.756.831 personar har fått andre dose.
Til saman er 922 koronasmitta personar døde i Noreg sidan mars 2020, viser førebelse tal. Om pasientane har døydd av eller med covid-19, er ikkje alltid mogleg å slå fast.
58,8 prosent av alle døde har fylt 80 år. I aldersgruppa under 50 år er det meld om 22 dødsfall i Noreg.
