140 mil på sykkel for ei god sak
Regn, kulde og punkteringar stoppa ikkje Team Rynkeby då dei sykla frå Oslo til Paris, dei sykla i mål laurdag klokka 13.
Team Rynkeby er ei europeisk velgjerdsgruppe som kvart år syklar til Paris for å samla inn pengar til barn med alvorleg sjukdom. Gruppa blei etablert i 2002, då 11 mosjonssyklistar knytt til den danske juiceprodusenten Rynkeby Foods AS sykla til Paris for å sjå avslutninga av Tour de France. Rynkeby Foods var hovudsponsor for turen, og overskotet blei donert til barnekreftavdelinga ved sjukehuset i Odense. Slik blei tradisjonen til, og i dag består teamet av 2.400 sykkelmosjonistar og 550 service/hjelparar fordelt på 65 lokale lag i 9 land.
— Team Rynkeby Haugaland hadde i år 30 syklistar og eit serviceteam på 6-7 personar fordelt på 4 bilar. To personar frå Etne og tre frå Vindafjord deltok i sykkelrittet i år, seier Roy Martin Øyjord som køyrer ein av følgjebilane.
Far og dotter fullførte rittet saman
