Kraftunderskot – eller eit eksportproblem?

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Det er mykje snakk om vindkraft – me får vel aldri fred? For mange i lokalsamfunnet kjennest denne debatten ikkje lenger som ein teoretisk diskusjon om energi, men som ei stadig påminning om utryggleik rundt eigen heim og framtid. Vil me verkeleg dette? Går ein inn på debattsidene til Grannar, er det tydeleg kvar folkemeininga ligg.

Det er misvisande å snakke om kraftunderskot. Straumen i Noreg er politisk styrt – gjennom utanlandskablar, marknadsmodell og eksportregime. Når mi og di kraft blir selt til høgaste bod i Europa, er det ikkje mangel på straum, men mangel på politisk vilje til å prioritere eigne innbyggjarar.