Kor mykje skal Ølen tole?

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Det kokar i Ølen. Ikkje av framtidsoptimisme, men av ei djup uro for kva veg bygda vår går. Medan politikarane i Vindafjord – dei fleste busette langt unna Ølen sentrum – gjer vedtak på vedtak, er det me som bur her som må leve med konsekvensane kvar einaste dag. Ølen står allereie midt i ei enorm utbygging av Fatland Slakteri med store luktutfordringar, ei massiv utbygging av høgspentnett med doble rader monstermaster, og i vest trugar nå ein vindkraftpark med å fullføre den visuelle raseringa. 

Som om ikkje dette var nok, ser Biovind sitt biogassanlegg midt i Ølen ut til å vere nesten i boks. Sjeldan har me sett administrasjonen i kommunen jobbe raskare enn etter at dei mottok motsegnene frå Statsforvaltaren. Det er nesten skremmande å vere vitne til kor mykje ressursar og pengar kommunen har subsidiert det private selskapet Biovind med. Eit biogassanlegg midt i Ølen harmoniserer dårleg med kommuneplanen og FN sitt berekraftsmål 11, som ein har skrive varmt om.