Følelsar eller fornuft og fakta?

OPE FORUM: Måndag 9. aug. kunne me i Grannar lesa stortingsrepresentant for Frp, Terje Halleland, sine innspel og refleksjonar rundt klimakrisa og norsk politikk. Han er innom mange emne og konklusjonen eg får ut av det heile er: Ikkje prioriter følelsar framfor fornuft og fakta: Kjør på» med oljeutvinning og bruk av olje og gass.

Same dag la FN sitt klimapanel fram sin rapport som konkluderte med: Kode rød» for kloden og menneska. Klimautfordringane må møtast som ein noverande trussel.

Sjølvsagt utløyser rapporten følelser hos mange, mange av oss. Me er uroa for framtida til våre barn og barnebarn og for aukande ekstremvêr og konsekvensar for hus og heim og lokalsamfunn. Uroa er bygd på fakta, ikkje på kortsiktig synsing.