Harald Helberg vil ha tak i andre som likar biljard og snooker.
SVEIN-ERIK LARSEN
Vil skapa nytt tilbod i lokalmiljøet
Harald Helberg (34) ønskjer å etablera eit snooker-lokale, eventuelt med biljard i tillegg, i Vindafjord. Han meiner dette kan bli eit verdifullt tilskot til fritidstilbodet i kommunen.
— No som eg blir stadig meir etablert i distriktet, ønskjer eg å ha ein plass i nærleiken der hobbyen kan dyrkast. Eg har tru på at dette kan vera eit godt aktivitetstilbod for mange i distriktet, seier Harald Helberg.
Snooker er ei grein innan biljard som er spesielt populær i Storbritannia. Dette blir spelt på eit bord med seks hol – eitt i kvart hjørne og to midt på langsidene. Ein brukar 15 raude kuler verdt eitt poeng kvar, og seks farga kuler (gul, grøn, brun, blå, rosa, svart) med verdiane 2 til 7 poeng, samt ei kvit kule. Dei raude kulene blir plasserte i ein trekant, og dei farga kulene blir plasserte på faste punkt på bordet. Med den kvite kula skal ein vekselvis støyta ei raud kule og ei farga kule ned i hola.
Ser potensiale
