Sport
Uavgjort i lokaloppgjer
Bjoa og Skånevik delte poenga då dei spelte 1–1 søndag. To dagar tidlegare reiste Etne heim frå Finnås med tre poeng etter ein 2–1-siger.
Kampen mot Skånevik var Bjoa sin siste kamp på heimebane i 7. divisjon i 2025.
Sikra seg beste tabellplassering
Annonse
Tor Vee Sandsgård gav heimelaget leiinga på Bjoa stadion etter 13 minutt. Rett før pause utlikna Espen Molnes Lauareid for Skånevik.
Resultatet gjer at Bjoa framleis ligg på 11. plass av dei 12 laga i 7. divisjon med 13 poeng etter 21 kampar. Med ein kamp igjen er dei sikra å ikkje dette ned ein plass, medan målforskjellen gjer at det er svært usannsynleg at dei avanserer. Den siste kampen deira er borte mot Trott 2 søndag 2. november.
Skånevik er nummer 7 med 20 poeng på 20 kampar. Dei har to heimekampar igjen. Først tek dei imot Sauda laurdag 25. oktober, før dei avsluttar sesongen mot Djerv 1919 laurdag 1. november.
Passerte naboen
Annonse
For Etne blei det ein fin fredag på Våge idrettsplass mot Finnås. Etter 28 minutt gav Peder Rygg Haugen gjestane leiinga, som Sebastian Davidsen Øglend dobla i det 43. minutt. Stillinga blei dermed 2–0 til pause. Askeld Sætre reduserte til 2–1 etter 76 minutt, men heimelaget kom aldri i kapp.
Sigeren sende Etne opp på 3. plass i 5. divisjon med 29 poeng på 19 kampar. På plassen bak ligg Ølen, med eitt poeng og ein kamp mindre. Dei speler borte mot Åkra 2 måndag kveld.
Etne sin neste kamp er på heimebane mot Åkra 2 måndag 27. oktober. Same kveld speler Ølen heime mot Djerv 1919 2.
