Andrea Nesbu skåra det siste målet for Fjordar denne sesongen.
FOTO: MAGNE SKÅLNES
Tung avslutningskamp – god sesong
Fjordar sitt damelag har kjempa heilt i toppen av 4. divisjon denne hausten, og kunne med maksimal utteljing ha vunne serien i Vats onsdag kveld. Heimekampen mot Skjold/Stegaberg/Falkeid vart ikkje heilt som ein kunne håpa på.
Før den siste runden var situasjonen slik at dersom Fjordar vann sin kamp og Vard tapte poeng i sin kamp mot Åkra 2, kunne Fjordar vinne serien.
Alt såg lyst ut då Andrea Nesbu sette inn 1-0 for heimelaget etter 6 minutt, etter ei fin avslutning. Men Fjordar hadde ei noko tynn tropp, og vart straffa knallhardt av det gode bortelaget. Spelarar var nøydde til å spela i litt uvante roller på grunn av forfalla, og spesielt bakover på bana hang ikkje Fjordar heilt i saman. Etter at laget tok leiinga, måtte dei sjå heile fire ballar i nettet bak seg til pause.
Samstundes kom det rapportar frå Vard sin kamp om at dei leia med fleire mål mot Åkra 2, så Vard styrte mot puljesiger.
