Kristoffer Haraldseid er tílsett som ny sportssjef i FKH.
Arkivfoto: Magne Skålnes
Tar over som sportssjef i FKH
FK Haugesund har tilsett Kristoffer Haraldseid som ny sportssjef på herresida.
Det skriv FKH på sine nettsider fredag kveld.
31-åringen frå Nedre Vats returnerer dermed til klubben han spelte for i mange år, og har skrive under på ein treårsavtale.
Haraldseid spelte 212 kampar for FK Haugesund mellom 2011 og 2018, og var ein del av laget som tok bronse i Eliteserien i 2013. Etter at han avslutta spelar-karrieren i Molde FK, har han dei siste åra jobba som spelarutviklar i Haugar, og er nyleg vald inn som styremedlem i FK Haugesund.
