Støtte og heider til idrettstalent

— Det ligg mykje arbeid bak når det gjeld trening, både heime i Sandeid og i Haugesund, seier Linea Helgevold Fjelldalselv til Vindafjord kommune si nettside.

Ho fortel at det blir ein del reising i helgane til samlingar, stemne og løp, men at dette sjølvsagt er både sosialt og kjekt. Stipenda blir offisielt overrekte under ordføraren si nyttårsmottaking 4. januar.

— Kjensla av å vinna er alltid veldig god, men det er det å forbetra seg som driv meg. Heller ein 2. plass med ei god tid enn ein siger der eg kjenner at eg har gjort eit dårlegare løp, seier Helgevold Fjelldalselv.