Startar i toppjobben i dag

På Facebook-sida si skriv SK Haugar at dei har kome til vegs ende med vatsbuen sitt engasjement i klubben. Dei skriv vidare at dei kjem til å sakne ein flink og fin fyr, men ønsker han lykke til i toppfotballen.

– Me ser at akkurat nå er det nok andre som treng han endå meir enn oss, så me har blitt einige med FK Haugesund om at han begynner i den nye jobben der på måndag, skriv klubben i innlegget sitt.

I sitt eige innlegg på klubben si Facebook-side takkar Haraldseid for tida i Haugar:

– Takk til alle spelarane eg har fått vere ein del av kvardagen til – gutar og jenter, store og små. Iveren, smilet og den ekte fotballgleda har tatt meg tilbake til kva fotball eigentleg handlar om. Det tar eg med meg vidare, skriv Haraldseid.

31-åringen har jobba som spelarutviklar i Haugar dei siste to åra. No er han altså tilbake i klubben han spelte for i mange år. Haraldseid spelte 212 kampar for FK Haugesund mellom 2011 og 2018, og var ein del av laget som tok bronse i Eliteserien i 2013.

Han har skrive under på ein treårsavtale med FK Haugesund og tek over jobben som sportssjef etter Jostein Grindhaug.