Slik var fotballsesongen 2025

Fjordar IL, damer 4. divisjon

Fjordar sitt damelag hadde ein svært sterk sesong dette året, og var med i tetstriden heilt til siste kamp. Til slutt var det Vard som vann ligaen, med Avaldsnes/Torvastad og Fjordar rett bak. Ti sigrar, tre uavgjorte og tre tap vart fasiten til slutt, i ein sesong der laget skåra 2,6 mål i snitt på dei 16 kampane. Veteranen Thea Karoline Blikra var laget sin toppskårar, med 17 fulltreffarar, noko som gav litt over 1 mål i snitt i kvar kamp for den fotrappe spissen. 

Trenar Erling Øygard seier seg godt nøgd med denne sesongen, og reknar med at laget held fram til neste år på samme måte. Laget utmerkar seg med eit godt miljø, der dei rutinerte damene som utgjer stamma i laget, tar seg godt av dei unge jentene som får sjansen til å vera med på kampane.