Etne IL, ein regntung kveld i mars. Bak frå venstre: Kenneth Hegerland (trener), Simen Sørheim, Ørjan Ytrenes, Sebastian D Øglend, Thomas Lien, Albert N Rafdal, Eirik Haugen, Johannes S Løhaugen og Tobias G Kristiansen. Framme frå venstre: Ådne Reed, Hallvar Austrheim, Daniel Gullachsen, Kristoffer Grønstad, Johan Grønset og Eirik Øverland.
FOTO: MAGNE SKÅLNES
Seriestart 2025
Nye trenarar og breiare tropp
Den nye Etne-trenaren, Kenneth Hegerland, har fått med seg Johan Grønset som spelande hjelpetrenar. Kan det nye trenarteamet løfte Etne opp ifrå botnen av 5. divisjon dette året?
Etne IL hadde ein av sine aller dårlegaste sesongar i den lokale 5. divisjonen førre sesong. Noko skuldast truleg eit naturleg generasjonsskifte, der eldre spelarar var mangelvare på laget. Idrettslaget måtte trekkja toarlaget sitt i 7. divisjon midtvegs i sesongen for å klara å stilla lag i 5. divisjon. Tre sigrar, 13 tap og 23–67 i målskilnad fortel sitt tydelege språk om ein sesong langt under pari. Det som redda Etne frå nedrykk, var at Rubbestadneset trekte laget sitt, slik at det blir 5. divisjonsfotball i Etne dette året òg.
Ny trenarduo
Denne sesongen har Kenneth Hegerland, med Jonas Grønset som spelande hjelpetrenar, tatt over etter Iben Skogen Johnsen og Svein-Erik Larsen, som har hatt ansvaret dei siste to sesongane.
