Mobiliserer før kveldens opprykksfinale

— Etne har hatt utruleg godt oppmøte på kampane i lang tid, og det er fleire og fleire som hiv seg med på gaulinga. Det verkar som dei synest det er kult og passe sprøtt, og det var ekstra gøy å sjå alle ungane som song med på førre torsdag, seier Aastvedt om responsen på nystartinga Etne Supporterklubb og tribunelivet som har blitt skapt mot Vats/Skjoldar/Vik og dei andre heimekampane i haust.

Starta i Stavanger

Den stangerbusette etnebuen har som grunnleggar av Etne Supporterklubben stått i front for framveksten av syngande supporterar på Etne A-lag sine kampar. Supporterklubben har på kort tid komme opp i 287 medlemmer på Facebook, der etnespelarar blir hylla med supportersongar som kan høyrast frå tribunen på kampdag. Aastvedt har fått fleire med seg, gjennom å blant anna dele ut ark med songtekstane ein finn i Facebook-gruppa på kampdagar