Sander Hauge Christiansen satsar for fullt i FK Haugesund.
Arkivfoto: Svein-Erik Larsen
Klart for dobbel lokal FKH-fest
Laurdag 21. september spelar både FK Haugesund sitt G14- og G15-lag mot Odd på SR-Bank Stadion i Ølen. To talent frå Grannar-distriktet får sjansen til å vise seg fram for eit lokalt publikum.
Nikolai Tendal (15) frå Etne og ølensbuen Sander Hauge Christiansen (14) spelar for FKH sine aldersbestemte lag og kjem truleg til å vere med på kampane mot Odd.
Gode erfaringar frå sist
Hauge Christiansen er midtbanespelar og har vore ein del av både G14- og G15-laget i år. For G14 har han skåra eit mål på fem kampar i den nasjonale serien, mens han har eit mål på elleve kampar for G15. Han melde overgang frå Ølen IL før sesongen.
