Med sorg som tema

Sorg har mange ansikt. Det kan vere ei kjensle som inntreff når ein mistar nokon som står ein nær, når ein opplever samlivsbrot eller blir råka av sjukdom. Det kan også vere ei kjensle ein får når ein gradvis mistar ein kjær til demenssjukdom. Skånevik Helselag har det siste året sett demenssjukdom på plakaten og har mellom anna samarbeidd med Etne kommune og ulike lag og organisasjonar om kurs knytt til sjukdomen. Nå ønskjer helselaget igjen å setja fokus på demenssjukdom og arrangerer saman med Skånevik Sokneråd konsertførestilling i Skånevik kyrkje andre torsdagen i mars.

— Me håpar at arrangementet kan bidra til openheit om demens, seier leiar i Skånevik Helselag Sigrid Bøthun og Astrid Askeland Johnsen i soknerådet og diakoninemnda.

Tekst og musikk