Rune Ramsvik er dagleg leiar i Sparebankstiftelsen Sparebanken Norge, Etne og kunne fredag overrekka ein sjekk på 5,6 millionar kroner til strandsoneprosjektet som Jan Monsen, leiar i Etne Båtlag tok i mot. — Nå blir draumen me har hatt om båthamna ein realitet, sa Monsen.
Grethe Hopland Ravn
Gir 5,6 millionar – no blir draumen i båthamna verkeleg
Det var stor glede hos Etne Båtlag då meldinga
kom: Sparebankstiftelsen Sparebanken Norge, Etne, gir 5.630.000 kroner til
strandsoneprosjektet i Etne båthamn. Dagleg leiar Rune Ramsvik i stiftinga fortalte at dei hadde vore i dialog med båtlaget i over eitt år rundt dette prosjektet.
— Me utfordra båtlaget om å tenkja litt større på kva
som kan gjerast der nede, seier Ramsvik.
Då søknaden om støtte kom inn, såg stiftinga at
prosjektet hadde ein stram tidsplan. Arbeid i sjøen må gjennomførast innan 15.
mai, og dersom prosjektet skulle gjennom den ordinære prosessen for
gåvetildeling, ville prosjektet bli utsett til neste år. Då valte stiftinga å
framskunda behandlinga.
