Stor interesse for framtidas omsorgssenter

At det i Vindafjord kommune skal vera eitt felles omsorgssenter er alt bestemt, men kor dette senteret skal liggja er ennå ikkje avgjort. Under det opne medverknadsmøtet i regi av Vindafjord kommune og Pensjonistforbundet Vindafjord fekk publikum ei orientering av arbeidet og ein presentasjon av moglege lokasjonar for senteret.

Rådgjevar Anne Sofie Sandvik i Vindafjord kommune jobbar med planlegging av eit felles omsorgssenter og under møtet presenterte ho dei ulike alternativa som det jobbast vidare med. Eitt av alternativa er ombygging og tilbygg av Ølen omsorgssenter, eit anna er ombygging og tilbygg av Vindafjordtunet. Dersom valet fell på å byggja heilt nytt senter er det tre ulike lokasjonar som kan vera aktuelle. Enten ved dagens beredskapssenter i Ølen, på Hundhammartomta i Ølen eller aust for Kulturhuset på den såkalla Revehalltomta. Alle dei ulike alternativa, som vil gje 100 plassar, vil ha ei kostnadsramme på rundt 850 millionar kroner.

Spørjeundersøking