Avslutta sesongen med siger

Kevin Ribesen og Jonathan Thomassen Vika skåra Skånevik sine mål. Dei avsluttar dermed 7.-divisjonssesongen på 8. plass med 23 poeng på 22 kampar.

Søndag skulle eigentleg Bjoa avslutta sesongen sin med bortekamp mot Trott 2, men dei hadde ikkje nok spelarar. Uavhengig av om Bjoa tapar kampen på walkover eller får spele han seinare, vil dei bli nummer 11 i 7. divisjon. Per no har dei 13 poeng.

Den lokale 5. divisjonen held det gåande litt lenger. Ølen hamna under 3–0 i bortekampen mot Solid/Stord 2, men mål av Stian Haugland, Anders Gjerde og to frå Mats Marvik snudde det til ein 4–3-siger. Dermed klatra dei forbi Etne og opp på 3. plass med 32 poeng på 21 kampar. Etne har like mange poeng og ein kamp mindre spelt før dei møter Djerv 1919 2 måndag kveld.